Кога го нарачавме HAMACHI H-MAX 125, очекувавме добар интерес. Не очекувавме дека во октомври ќе биде скутерот што најмногу ќе го продадеме. Но така испадна, и мислиме дека знаеме зошто.
Голем скутер, мала потрошувачка
H-MAX изгледа и се вози како макси скутер, а троши колку мал. Резервоарот е 13 литри, а потрошувачката околу 2 до 3 литри на 100 km. Тоа значи помеѓу 400 и 600 километри со едно полнење, па на пумпа ќе одите ретко.
Седиштето е широко, има место за сопатник, а 13-инчните алуминиумски бандажи и двојната задна амортизација го прават возењето по нашите патишта многу помирно отколку на класичен мал скутер. Тежи 123 kg, па е лесен за паркирање и туркање кога треба.
Основни податоци
| Мотор | 125cc, едноцилиндричен, 4-тактен, воздушно ладење |
|---|---|
| Моќност | 7,0 kW на 7500 rpm |
| Резервоар | 13 L |
| Потрошувачка | околу 2 до 3 L / 100 km |
| Гуми | 110/70-13 напред, 130/70-13 назад |
| Кочници | диск напред, барабан назад |
| Тежина | 123 kg |
| Максимална брзина | околу 85 km/h |
Светлата се целосно LED, а брзиномерот е дигитален.
Бои и цена
Го имаме во сива, црна и бела боја. Цената е 85.485 ден. (1.390 €).
Каква дозвола ви треба
За 125 кубика ви треба категорија A1, која може да се полага од 16 години. Ако не сте сигурни што ви треба, го објаснивме тоа во текстот Која возачка дозвола ми треба за скутер или мотор.
Најдобро е да го пробате
Слободно дојдете во салонот и седнете на него, или јавете се на 071 337 717 ако имате прашања. Ако сакате да споредите, сите наши скутери од 125 кубика се во Скутери 125cc, а поголемите модели во MAXI Скутери.