HAMACHI RENEGADE 300

Богатиот избор во понудата на мотоцикли често може да влијае и збунувачки за оние кои сакаат да инвестираат во ваков тип на задоволство.Вкусовите се фактор кои прават почетна селекција, но потоа во игра се вмешува и силната конкуренција и акциските цени кои често вреди да се искористат.

Таква е ситуацијата и со атрактивниот чопер HAMACHI RENEGADE 300 , кој со своите квалитети освојува на глобално ниво, а сега е достапен и за македонските купувачи. Димензиите го истакнуваат на улица, а целокупниот дизајн и искористените елементи го прават по различен и по претставителен во однос на метежот низ градските улици.

HAMACHI RENEGADE 300 е вистински избор за чопер кај кого производителот посветил големо внимание на височината, позицијата и комфорот на седиштето, но и ергономскиот потенцијал во однос на управувачот и командите поставени на него. Подолгото уживање во адреналинското доживување за кое е задолжен RENEGADE 300 не го заморува возачот, а за перформансите е задолжен докажаниот мотор со моќност од 13 KW. Максималната брзина е 105 km/h, а за подобрите возни карактеристики свое влијание има и оптималната тежина од 138 килограми, со која RENEGADE 300 успева да овозможи подобар однос на килограми и коњски сили.

Потрошувачката од 2.4 литри на 100 поминати километри е добро ветување за купувачите, а резервоарот со капацитет од 12 литри најавува сериозно голема автономија помеѓу две полнења.

Логото со текст “Освој го светот“ секогаш е во видното поле на возачот, кој пред себе има и аналогни инструменти, со што HAMACHI RENEGADE 300 го оправдува своето име и го потенцира авантуристичкиот дух кој зрачи од секој елемент. Производителот сигурно ќе израдува многу фанови на овој тип на мотоцикли со односот на квалитет и цена, а RENEGADE 300 е чопер кој дефинитивно заслужува внимание.